Врз основа на информациите кои ќе ги дадете во текот на вашиот повик до My Aged Care може да бидете упатени на лична проценка за да подобро се разберат вашите потреби за поддршка.
Проценките се вршат лично во вашиот дом. Нема потреба да одите некаде. Оценувачот ќе ви се јави за да договорите термин да ве посети.
Каква проценка ќе добијам?
Постојат два вида на проценка.
Проценка за домашна поддршка од Regional Assessment Service (RAS) (Регионална служба за проценка - RAS)
Ако изгледа дека ви треба мала поддршка за да сте и понатаму независни во вашиот дом, центарот за контакти може да предложи проценка за домашна поддршка со оценувач од RAS. Овој вид на поддршка е овозможена од Commonwealth Home Support Programme (Сојузна програма за домашна поддршка).
Севкупна проценка со Aged Care Assessment Team (ACAT) (Тим за проценка на старосна нега)
Ако изгледа дека имате потреба од нега која е поголема од онаа што ја поддржува Commonwealth Home Support Programme, може да ви се препорача севкупна проценка од оценувач на ACAT.
Видовите на нега за кои што ACAT може да ве процени вклучуваат:
- Пакети за домашна нега
- Можности за краткорочна нега
- Старечки домови
Како да се подготвам за мојата проценка?
За секоја проценка лице в лице, треба:
- да ја имате вашата Medicare картичка и уште еден друг доказ за идентификација – како на пример Department of Veterans’ Affairs card (Картичка од Одделот за работи на ветерани), возачка дозвола, здравствена картичка, или пасош
- да имате копија од упатите од вашиот доктор
- да размислете дали сакате да ве придружува лице за поддршка
- да ги имате информациите кои веќе ги имате во врска со услугите за старосна нега ако сакате да зборувате за истите
- да ги имате податоците за контакт на вашиот општ лекар (GP) или други здравствени работници
- да размислите дали ќе ви биде потребна помош за комуницирање, како: преведувач, преведувач за Auslan (знаковен јазик во Австралија) или куче водич
- да имате информации за секоја поддршка што ја примате моментално.
Што ќе се случува во текот на процената?
Пред да започнете, оценувачот ќе ве праша дали се согласувате на процената. Исто така, тој/таа ќе побара дозвола од вас за да разговара со други луѓе кои ве издржуваат, како вашето семејство, или вашиот негувател.
Други работи кои ќе се случат во текот на вашата процена:
- Вашиот оценувач ќе разговара со вас за вашите потреби
- Вашиот оценувач ќе работи со вас на подготвување на план за ваша поддршка
- Може да ви даде да пополнете некои формулари.
Прашања кои можете да му/и’ ги поставите на оценувачот
Ако сакате, можете да подготвите било какви прашања што ги имате, како на пример:
- Какви услуги постојат за да ми се помогне да ги постигнам моите цели?
- Какви услуги се достапни локално, колкаво е времето на чекање?
- Какви видови на поддршка постојат за мојот негувател?
- Дали постојат даватели на услуги кои го зборуваат мојот јазик или ги застапуваат моите верски или културни верувања?
- Како можам да стапам во контакт со мојот оценувач доколку имам прашања после процената?
Може ли некој друг да ме придружува?
Да. Никогаш не мора да сте сами во овој процес. Доколку изберете, член на семејството, пријател или неговател може да биде со вас во текот на вашата процена.
Ако ви е потребен преведувач, вашиот оценувач може да ви обезбеди еден. Кажете му/и’ дека ви треба преведувач кога ќе ви се јави за да ја закаже процената.
Older Persons Advocacy Network (Мрежа за застапување на постари лица) може исто така да ви помогне и да ви даде информации за вашите права. Застапниците им се достапни на сите Австралијци кои бараат или добиваат услуги за старосна нега. Оваа услуга е бесплатна.
Јавете се на National Aged Care Advocacy Line (Национална телефонска линија за застапување за старосна нега) на 1800 700 600(повикот е бесплатен) или посетете ја веб-страницата на Older Persons Advocacy Network на www.opan.com.au.
Услуги за комуникација
Службата за писмено и усмено преведување (TIS) е достапна доколку ви е потребна помош или сакате да комуницирате на друг јазик. За повеќе информации, обратете се до My Aged Care на 1800 200 422 (помеѓу 8 ч. наутро и 8 ч. навечер од понеделник до петок, или од 10 ч. наутро до 2 ч. попладне во сабота). Ние ќе обезбедиме преведувач за да ви одговориме на прашањата.
Исто така можете да се јавите во TIS на 131 450. TIS покрива преку 160 јазици и е достапна 24 часа дневно, 7 дена неделно, по цената на локален повик.
TIS ќе организира преведувач да ви помогне да зборувате со My Aged Care.
